شعر بقلم أحمد التابعى"كعب الزمن"

المساهمات : 167 تاريخ التسجيل : 15/02/2011 العمر : 33

الزمن بيدوس بكعبه على كل الوشوش

يدوس غنى يدوس فقير مابيــفرقـــــوش

ويرسم عليها بقسوة منتقم أسوأ رتــوش

الزمن ضوافره بتحفر وتحفر ولا يرحمـوش

تحط هنا تجعيدة وتخربش هنا خربـــوش

ولو حاول غنى يشد وشه ويركب رمـوش

ويجمل فى جلده ويقول لك مابشدهــوش

هقول له: والله أنتم مابتــعــــرفـــــــــــــوش

لما تشوف الزمـــــــــن جاى يـــــــــــــــدوس

ده بيبقى جــــــــاى شــايل فا نــــــــــــــوس

ينور زاوية ضلمة ف عقل ناس مابيفهموش

ناس.تقرقش عضم الغلابة زى الوحـــــوش

ناس.تكذب .تنافق.يرتشوا… ولا يختشــوش

ده قطر الحياة قرب يفارق ويسيب الحــبايب

قولى بأه معاك شنطتك جاهزة للسفر الأخير

ولا هتجيب واسطة من واحد مســـــئول كبير

برضه هوه هيركب حتى لو كان جناب الـــوزير

وأنت لسة عندك أمل إن القطر ده ماتركبوش؟

كله راكب قطر الفراق..التهاردة ..بُكرة ..ولا بعده
مايفرقوش.

عشان كده:
الزمن بيدوس بكعــــبه على كل الوشــــــــــوش

يدوس غنى يدوس فقير مابيفـــــرقــــــــــــــــوش

أصحوا.القطر جاى يالى متربعين على العــروش
شعر مكتوب بفرشاة/أحمد ال

تابعى